రారా నా ప్రియతమా
నా దరహాసపు వాసంతమును
ఇమ్మని వేడితిని
నా పాపిట సిందూరముపై
ప్రమాణమిడితిని రారా
మౌనముగా నేనుండజాలను
మూగ వేదనను తెలుపగ లేను
నీ ప్రితిపాత్రను కాని నాతిని
నాకు నేనే పరాయినైతిని రా రా
జాబిలి అలుగునా పున్నమి పైన
అలుక ఏలరా ఎలనాగ పైన
కొడిగట్టిన చిరు దీపమునైతిని
హరివిల్లు దరి అంథురాలిని
అశ్రు సుమమ్ముల గీతమాలికను
విరహ గీతికల రాగమాలికను
శ్రావణ మాసపు మేఘమాలికను
నను దహియించెడికాటికేలికను
No comments:
Post a Comment