అహరహం ఇహంలో హాలాహలం
హరా హరా అనుకుంటే పీయూషం
ఇహం పైన వ్యామోహం వదులుకుంటే
అహం వీడి నిను నివు తెలుసుకుంటే
అనుక్షణం ఉల్లాసం, ఇహమందే కైలాసం ||
మూడు పుండ్ర ములు ధరియించు
మూడు తాపములు హరియించు
భుజగ భూషణుని నుతియుంచు
ఆరు వైరులను వధియించు
నగజాధీశుని శరణు గొను
సంచిత పాపం హరణమను ||
శివా శివా అని స్మరియించు
హృదయం పావన మొనరించు
నీలకంఠుని ధ్యానించు
లీలగా మోక్షం లభియించు
భూతంలో నీవేమి చేసినా
భూతనాదుడే భావి కాచెను ||
No comments:
Post a Comment