రాతిలో పరమాత్మ కొరకు
కొండలు, వాగులు కోరి చేరే భక్తులు
నాతిపై అనురక్తితో
ఇడుముల, ఇరుకుల సరగు చేయని రక్తులు
ఈ ఇరుతెగలలో ఏమిటి భేదం?
చివరకు మదిలో మిగులును ఖేదం
ఏడు కొండల నెక్కబోవగ
దారిలో దోపిడులు
ఏడు అడుగులు కలిసి నడువగ
ఎడదలో రాపిడులు
రాతినే పూజింతురా
నాతికై తపియింతురా
జాతికంటిన జాడ్యమిది
అని యెంతురా?
మొక్కు తీర్చిన క్షణము నందే
పాపములు బాయునా
చెక్కు నొక్కిన, చెలిని కూడిన
తాపములు తీరునా?
ఏది క్షణికము? ఏది అమరము?
ఎంచి చూడగ వెర్రిదనము
రాతి పైన, నాతి పైన
భక్తి రక్తులు ఏలరా
సాటి జనులకు సాయమొసగక
వేల్పు కొరకో, చేటి కొరకో
అంగలార్చుట వెర్రి కాదో?
No comments:
Post a Comment